Kompani dhe Shërbime Tregtare
Ndër prioritetet tona është edhe veprimtaria tregtare, për shkak të rëndësisë që ajo mbart, duke nisur që nga marrëveshjet tregtare të zakonshme, e deri tek ato më të të ndërlikuarat. Ne hartojmë strukturën e posaçme për të siguruar mbrojtjen e interesave të klientëve tanë.
Përvoja jonë në këtë fushë përfshin të gjithë gamën e shërbimeve, hap pas hapi, që nga regjistrimi i shoqërisë/ degës/ zyrës së përfaqësimit, duke vijuar me ndryshimin e formës ligjore e deri në procedurat e likuidimit dhe falimentimit.
BOZO & Associates mundëson këto praktika:
- Themelimi dhe regjistrimi i shoqërive të reja dhe zyrës së përfaqësimit apo degës së shoqërisë së huaj në Shqipëri
- Ndjekja e procedurave pranë Qendrës Kombëtare të Regjistrimit (QKB)
- Këshillim mbi dokumentet e nevojshme për çdo procedurë dhe ndryshimi i të dhënave të shoqërisë, për t’u reflektuar në regjistrin tregtar, përgatitje e dokumenteve dhe ndjekje e aplikimeve
- Këshillim mbi detyrimet ligjore të regjistrimit dhe aplikimi për NIPT sekondar
- Ndjekje e gjithë procedurave pranë Qendrës Kombëtare të Licencimit (QKL)
- Këshillim mbi çdo procedurë, përmbushje e kushteve të licencës, përgatitje e dokumenteve dhe ndjekje e aplikimeve për çdo ndryshim të kompanisë, për t’u reflektuar në regjistrin e licencave